Ers cychwyn ein siwrne, rydym wedi llwyddo i gynyddu ffigyrau ffrydio cerddoriaeth Gymraeg yn sylweddol. Bellach mae cerddoriaeth Gymraeg wedi ei ffrydio dros 7.5 miliwn o weithiau drwy system ddosbarthu PYST gan gynnwys y gân Gymraeg i gael ei ffrydio fwyaf erioed - 'Gwenwyn' gan Alffa sydd ar fin cyrraedd tair miliwn ffrwd.
Mae PYST hefyd yn cynnig trefnu a chydlynu teithiau yn ogystal â chynrychioli artistiaid ar gyfer gigs. Gan ddefnyddio yr ethos o gydweithio gyda hyrwyddwyr, cymdeithasau lleol a chriwiau lleol o bobl ifanc - trefnwyd degau o gigs, yn ogystal â theithiau, gan artistiaid amrywiol megis Alffa, Gwilym, Carwyn Elis, Lleuwen ac Adwaith i enwi dim ond rhai.
Cadwch lygaid allan am ein cyfresi o gigs sy'n digwydd yng Nghymru a thu hwnt -
Taith fisol o Lundain, Manceinion a Glasgow - Mae'r daith gyntaf yn cynnwys Adwaith, Mellt a Papur Wal.
Curadu noson yn Tafwyl - Line-yp yn cynnwys Gwenno, Lleuwen, Adwaith a Serol Serol
Curadu Llwyfan y Settlement, Gŵyl y Dyn Gwyrdd - Artistiaid amrywiol o Gymru i berfformio yng Nghrug Hywel gan gynnwys, Blodau Papur, Pys Melyn ac Ani Glass.
******************