Nod yr wythnos yw dod â chymunedau lleol ynghyd i ddathlu’r lleoliadau annibynnol sydd ar garreg eu drws, a dod ag wynebau newydd i leoliadau nad ydynt erioed wedi ymweld â nhw o'r blaen. Mae’r lleoliadau hyn yn rhoi lle i artistiaid rannu eu crefft, yn ogystal â chyfle i gynulleidfaoedd ddarganfod talent newydd a rhai sydd ar y gweill.
Mae Wythnos Lleoliadau Annibynnol yn ymweld â Chymru am 6 diwrnod y mis nesaf ac mae 19 o sioeau ar y gweill. Cynhelir y sioeau mewn 6 lleoliad ledled Cymru ac maent yn arddangos ystod eang o dalent o grŵp amrywiol o bobl greadigol. Mae’r lleoliadau Cymreig sy’n cael eu dathlu eleni yn cynnwys:
- Caerdydd – The Gate, Tiny Rebel a'r Eglwys Norwyaidd
- Abertawe - Tŷ Tawe
- Merthyr Tudful – Y Scala
- Caerfyrddin - CWRW
- Sir Benfro – The Grain
- Wrecsam – The Rockin’ Chair
Yn partneru â #IVW24 mae Cymru Greadigol, BBC Radio 6, BBC Music Introducing, a llawer o sefydliadau eraill diwylliannol ledled y DU.
IVW yng Nghaerdydd
Yn dod i Gaerdydd, mae #IVW24 llysgennad Cymru L E M F R E C K, yn perfformio yn The Gate ar 3 Chwefror am 7:30yp.
Cafodd L E M F R E C K ei enwebu ar gyfer gwobr ‘Breakthrough’ yng ngwobrau BAFTA Cymru yn 2022 am ei gyfres deledu am gerddoriaeth Gymraeg o darddiad du ac fe’i henwyd yn ‘Artist 2023’ gan BBC Music’s Introducing.
Rhagor o wybodaeth am y sioe arbennig hon yng Nghaerdydd yn The Gate.
Cyn perfformiad L E M F R E C K, mae’r gymuned Lleoliad Annibynnol yn cynnal Sesiwn Soundcheck Mae Sesiynau Soundcheck yn cynnig cyfle i bobl ifanc (14+ oed) ddod i leoliad cyn i’r drysau agor, i wylio’r artistiaid yn cynnal sesiwn gwirio sain ac yna’r cyfle am sesiwn holi-ac-ateb gyda nhw ynghyd â rhai o’r criw a thîm y lleoliad. Rhagor o wybodaeth.
Darllenwch fwy am yr holl ddigwyddiadau sydd i ddod ar wefan Wythnos Lleoliadau Annibynnol.
